У Лукашэнкі заявілі, што Беларусь у Сірыі — не зацікаўлены гулец
Прэс-сакратарка Лукашэнкі Наталля Эйсмант пракаментавала сітуацыю ў Сірыі.
Наталля Эйсмант. Фота: Maxim Shemetov / Pool Photo via AP
«Так, безумоўна, за развіццём падзей у Сірыі мы ўважліва назіраем. Хоць і не з'яўляемся зацікаўленым гульцом у рэгіёне і ніякім чынам не ўмешваемся ва ўнутраныя справы», — цытуе словы Наталлі Эйсмант БелТА.
Яна дадала, што Мінск выступае за больш хуткую стабілізацыю сітуацыі і заклікае да міру.
«Сірыйскі народ быў і застаецца для Беларусі дружалюбным, нас звязваюць даўнія добрыя адносіны. Менавіта ў гэтай сувязі нам па-чалавечы неабыякавыя працэсы, якія адбываюцца там. Таму мы выступаем за больш хуткую стабілізацыю сітуацыі ў інтарэсах дабрабыту людзей. Беларусь у любых вострых сітуацыях (дзе б яны ні адбываліся) заклікала і заклікае да міру — гэтая наша пазіцыя нязменная», — сказала Эйсмант.
Чытайце таксама:
Пасольства Беларусі застаецца ў Дамаску і працягвае працу
Прызначаны Асадам пасол Сірыі ў Расіі назваў ягоныя ўцёкі «ганебнымі і зневажальнымі»
Сірыйскія ўцекачы масава вяртаюцца на радзіму пасля звяржэння рэжыму Башара Асада
У пасольстве Сірыі ў Мінску знялі сцяг
«Пераварот зялёнай паласы». Чаму новая ўлада змяніла дзяржаўны сцяг Сірыі