Камуніст Сыранкоў пахваліўся, што сабраў 170 тысяч подпісаў
Сёння ён падаў дакументы на рэгістрацыю ў ЦВК.
Фота: ЦВК
«Скажу шчыра, сам пакет збору подпісаў не быў для нас самамэтай. Для нас было важна пагутарыць з выбаршчыкамі, з грамадзянамі Рэспублікі Беларусь, каб зразумець, чым сёння жывуць людзі, якія праблемы іх хвалююць», — пракаментаваў ён працэс БелТА.
Па словах Сяргея Сыранкова, яго ініцыятыўнай групай «праведзены каласальны аб'ём працы».
«Намі сабрана больш за 170 тыс. подпісаў, — сказаў ён. — І, адпаведна, ідзем далей».
З 22 па 31 снежня пройдзе рэгістрацыя кандыдатаў у прэзідэнты. З 1 па 25 студзеня 2025 года пройдзе так званая перадвыбарная агітацыя.