Забаранілі продаж расійскай грэчкі, якой толькі «надалі знешні выгляд і асобныя ўласцівасці»
Пастаўкі і продаж грэчкі вытворцы з расійскага Алтайскага краю забаранілі таму, паколькі яна занадта доўга варыцца, вынікае са звестак у рэестры небяспечнай прадукцыі Дзяржстандарту Беларусі.
Гаворка ідзе пра грэчневыя крупы з хуткім разварваннем вытворчасці «Вега-інжынірынг». З 11 снежня яе забаронена ўвозіць і прадаваць.
«У выніку выпрабаванняў устаноўлена, што паказчык «разварвальнасць хутка разварвальных ядрыцы і прадзелу» склала 29 хв. пры норме не больш за 25 хв., з чаго вынікае, што прадукцыі надалі знешні выгляд і асобныя ўласцівасці, але пры гэтым яна не можа быць ідэнтыфікаваная як прадукцыя, за якую выдаецца», — пішацца ў абгрунтаванні рашэння.
Чытайце таксама:
У Беларусі забаранілі тры віды расійскага марозіва і батончык «Агуша»
У Беларусі забаранілі адзенне вядомых польскіх брэндаў
Дзяржстандарт амніставаў вядомы пральны парашок