Як у Мінску запалілі галоўную ёлку ФОТЫ
Чырвоных колераў у афармленні зноў няма.
Учора ўвечары на Кастрычніцкай плошчы заззяла шматлікімі агнямі 30-метровая ёлка. З гэтага ж дня ў сталіцы запрацавала святочная ілюмінацыя, піша Onliner.by.
Галоўную ёлку на Кастрычніцкай плошчы пачалі мантаваць яшчэ ў канцы лістапада, а з аўторка яна стала радаваць мінчан і гасцей сталіцы рознакаляровай падсветкай.
Сёлета побач з ёлкай размесціцца сядзіба Дзеда Мароза і Снягуркі — сёння яны ўжо на плошчы, прымалі ўдзел у святочнай праграме.