Кіроўца маршруткі высадзіў жанчыну з трохгадовым дзіцём, бо яна аплаціла праезд толькі за сябе. Ці законна гэта?
З такім пытаннем у рэдакцыю гомельскага выдання «Моцныя навіны» звярнулася падпісчыца. Па яе словах, жанчына трымала малечу на руках, але кіроўца адмовіўся ехаць далей, пакуль пасажырка з маленькім дзіцём не выйшла з машыны.
«Моцныя навіны» звярнуліся па каментар у «Гомельаблпасажыртранс», дзе ім патлумачылі, што ў гэтым выпадку кіроўца мае рацыю, бо маршрутнае таксі — гэта недзяржаўная форма маёмасці.
Правілы перавозкі пасажыраў маршрутчыкі прапісваюць для сябе самастойна і не абавязаныя бясплатна правозіць дзяцей.
Калі вы праехалі ў маршрутцы з дзіцём на руках і заплацілі толькі за сябе, значыць, кіроўца проста зрабіў вам такую ласку.
Чытайце таксама:
За ўчорашняе ДТЗ з маршруткай пад Мінскам пакаралі работніка камунальнай службы
Маршрутка з пасажырамі трапіла ў ДТЗ пад Мінскам
Аўтобусны сэрвіс «Атлас» будзе прадаваць квіткі па прынцыпе авіякампаній