Міжнародная федэрацыя хакея разгледзіць пытанне допуску Беларусі да міжнародных спаборніцтваў
Беларускі і расійскі хакей адхілены ад міжнародных турніраў з 2022 года.
Ілюстрацыйнае фота hockey.by
Міжнародная федэрацыя хакея (ІІХФ) разгледзіць пытанне допуску Беларусі да міжнародных спаборніцтваў 3—4 лютага.
Таксама яна разгледзіць пытанне допуску зборнай Расіі да ўдзелу ў Алімпійскіх гульнях-2026 у Італіі.
У выпадку допуску расійская зборная выступіць у групе C разам з камандамі ЗША, Славакіі і Латвіі. А вось беларуская зборная свой кваліфікацыйны турнір да Алімпіяды прапусціла.
Беларускі і расійскі хакей адхілены ад міжнародных турніраў з 2022 года пасля пачатку ўварвання Расіі ва Украіну.
З таго часу беларуская і расійская зборныя не ўдзельнічаюць чэмпіянатах свету па хакеі.