Крыты пешаходны пераход адкрылі ў Гродне
Пешаходны мост праз яр у раёне вуліцы Фамічова ў Гродне адкрылі пасля капітальнага рамонту, адкрыццё моста прайшло з музыкай, невялікім феерверкам і ўдзелам кіраўніцтва горада і вобласці, піша Hrodna.life
Рэканструкцыя моста пачалася летам 2024 года. Фактычна пабудавалі зусім новы мост на месцы старога, які дэмантавалі.
Дах моста выкананы з трывалага палікарбанату. Таксама на мосце ўсталявалі асвятленне, як знешняе, так і ўнутранае. Добраўпарадкавалі і тэрыторыю каля моста: абсталявалі пешаходныя дарожкі і пандусы.