Лукашэнку напісалі 86,82%. ЦВК агучыў папярэднія вынікі галасавання
Другое места дазволілі заняць камуністу Сыранкову.
Аляксандр Лукашэнка на выбарчым участку 26 студзеня 2025 года. Фота: AP Photo / Pavel Bednyakov
ЦВК агучыў папярэднія вынікі галасавання. Аляксандру Лукашэнку напісалі 86,82%.
Раней праўладны экзітпол называў 87,6%. Але, магчыма, больш за лічбы Пуціна на мінулых выбарах (87,28%) даваць не было загаду.
Камуністу Сяргею Сыранкову далі 3,21%, Алегу Гайдукевічу — 2,02%, Ганне Канапацкай — 1,86%, Аляксандру Хіжняку — 1,74%. Супраць усіх — 3,6%.
Гэтыя выбары, якія праходзяць ва ўмовах масавых рэпрэсій, можна лічыць самімі стэрыльнымі з усіх кампаній.