У Барысаве цягнік пратараніў фуру
У Барысаве на чыгуначным пераездзе грузавы цягнік сутыкнуўся з вялікагрузным аўтамабілем. Паводле інфармацыі УУС Мінаблвыканкама, ДТЗ адбылося ў аўторак каля 15:50.
Жыхар Барысава на аўтамашыне DAF з паўпрычэпам рухаўся на дазваляльны сігнал семафора. Але пры перасячэнні чыгуначнага пераезду з-за тэхнічнай няспраўнасці машына спынілася акурат на рэйках. У выніку ў яе заехаў цягнік.
У ДТЗ ніхто не пацярпеў, аўтамабіль атрымаў механічныя пашкоджанні.