Суд «ДНР» асудзіў беларускага добраахвотніка да 14 гадоў калоніі
28 студзеня суд самаабвешчанай «ДНР» завочна асудзіў беларускага добраахвотніка Аляксандра Міхайленку да 14 гадоў калоніі паводле артыкула аб найміцтве (частка 3 артыкула 359 КК РФ). Пра гэта паведамляе прэс-служба суда, заўважыла «Медыязона».
Крымінальная справа разглядалася ў закрытым парадку.
Імя падсуднага называе адзін з праўладных беларускіх тэлеграм-каналаў, сцвярджаючы, што добраахвотнік ваюе ў складзе «Беларускага добраахвотніцкага корпуса» пад пазыўным «Ліс».
У Беларусі на яго таксама заведзеная крымінальная справа, але артыкул не называецца.
Чытайце таксама:
Як ахоўнік Лукашэнкі аказаўся на адным здымку з вядомымі беларускімі добраахвотнікамі
Беларускія добраахвотнікі паставілі на ўкраінска-беларускай мяжы «перадвыбарчы» білборд ФОТЫ
«Яе ўсе бераглі, як маглі». Камандзіры — пра Марыю Зайцаву, якая загінула ва Украіне