«Беларусы такія беларусы». У тыктоку захапляюцца, як пасажыры дапамаглі кіроўцу тралейбуса ў Мінску

У тыктоку з'явілася відэа, як пасажыры тралейбуса талакой дапамаглі кіроўцу тралейбуса адолець праблему з тралейбуснымі вусамі. Відэа было знята 3 лютага ў Мінску. 

@ms_nami Помощь рядом Всякое видала, но как пассажиры толкают троллейбус - нет) мужчины моментально с мест повскакивали, чтобы посодействовать, не перевелись еще богатыри)) #Минск #чп #чпбеларусь #помощьнадорогах #белорусскиебогатыри ♬ sonido original - Vibes by Ley

«Дапамога побач. Усялякае бачыла, але як пасажыры штурхаюць тралейбус — не). Мужчыны маментальна з месцаў паўскоквалі, каб дапамагчы, не перавяліся яшчэ волаты», — падпісала відэа аўтарка.

А на самім відэа дадала: «Беларусы такія беларусы. Дапамаглі паставіць на месца токапрыёмнік, угаворваць не прыйшлося».

Чытачы ў каментарах выказалі падтрымку і захапленне такімі паводзінамі.

«Што б ні казалі, але мы дружны народ і гатовыя прыйсці на дапамогу ў любой сітуацыі».

«Я памятаю Хаўер, Магілёў. Тады ўсе штурхалі тралейбусы, аўтобусы, нікога не прасілі». 

«Вы яшчэ не бачылі, як пасажыры штурхалі ў галалёд аўтобус і беглі за ім да наступнага прыпынку».

«Прыемна бачыць сябе ў такім відэа. Я ў жоўтай куртцы». — «Вы ўжо трэці тут гэта пішаце», — перайшлі на жарты ў каментарах. 

Каментары да артыкула