БЕЛ Ł РУС

Лукашэнкаўскім спарынг-партнёрам ЦВК падарыла гарбату з малінавым варэннем

5.02.2025 / 12:6

Nashaniva.com

Чай з малінавым варэннем — вядомы мем ад Лукашэнкі. 

Салодкія наборы з пакункаў гарбаты і слоічкаў джэму атрымалі былыя кандыдаты ў прэзідэнты пасля афіцыйнага падвядзення вынікаў выбараў ЦВК. Здымак апублікавала Ганна Канапацкая.

«Электаральны працэс быў няпростым выпрабаваннем для кандыдатаў і штабоў. Выбары прайшлі, але ўдзел у палітычным жыцці краіны мы не спыняем. Мы бяром невялікую паўзу. Падводзячы вынікі выбараў прэзідэнта-25, ЦВК парадаваў такімі прыемнымі дробязямі. Не толькі на памяць, але і для здароўя карысна. А сілы нам яшчэ спатрэбяцца!» — падпісала здымкі Канапацкая. 

Фота: Ганна Канапацкая / Telegram

Гарбату ЦВК прэзентаваў з фантазіяй. «Альтэрнатыўнае адценне» — гэта напой з гібіскусам, малінай і чарэшняй. «Стратэгічная гармонія» — рамонкам і васільком. «Мажарытарны смак» — з чаборам, мятай і ягадамі.

Згодна з афіцыйнымі вынікамі ЦВК, Аляксандр Лукашэнка атрымаў 86,82% галасоў. Наступным па папулярнасці стаў варыянт «супраць усіх» — 3,6%. Кандыдаты, якія былі спарынг-партнёрамі Лукашэнкі, атрымалі ад 3,2% да 1,7%

@nashaniva Мем пра чай з малінавым варэннем выйшаў на новы ўзровень #мем #прикол #выборы #протесты #2020 #бчб #политика #новости #беларусь ♬ The Funny Bassoon - Eitan Epstein Music

Такі падарунак ад ЦВК можна лічыць сімвалічным. На адной з сустрэч з журналістамі Лукашэнка нечакана перавёў гутарку з вострага пытання і прапанаваў прысутным чай з малінавым варэннем. «Чай з малінавым варэннем» хутка стаў мемам. 

Чытайце таксама:

Каментары да артыкула