«Байсол» запускае гарачую лінію з прычыны ўзлому бота Беларускага Гаюна
«Калі сённяшні ўзлом чат-бота Беларускага Гаюна датычны вашай бяспекі, звяртайцеся па кансультацыю/эвакуацыю на гарачую лінію BYSOL — @help_bysol», — напісаў Андрэй Стрыжак.
Гарачую лінію «Байсол» запусціў яшчэ 24 лютага 2022 года. Цяпер яны нагадваюць, што туды можна звяртацца і па прычыне ўзлому доступу да бота.
Пра ўзлом бота Беларускага Гаюна стала вядома сёння.
Антон Матолька не выключыў, што магла быць выгружана ўся гісторыя маніторынгавага чата.
«Пасля ўваходу ў чат сёння ноччу была зроблена выгрузка гісторыі чата. Мы не ведаем, ці паспелі яны выгрузіць фота і відэа, але лепш прытрымлівацца горшага сцэнару», — напісаў ён.
Чытайце таксама:
Бот Беларускага Гаюна быў узламаны. Хто туды пісаў — пад пагрозай
Вось як сілавікі атрымалі доступ да бота «Беларускага Гаюна»