Старшыням райвыканкамаў дадуць права ўзгадняць кіраўнікоў прыватных прадпрыемстваў
Кіраўнік адміністрацыі Лукашэнкі Дзмітрый Круты паведаміў пра гатоўнасць дакумента, які мае значна ўзмацніць паўнамоцтвы вертыкальшчыкаў на месцах. Дакумент можа быць падпісаны ўжо да 1 сакавіка.
Дзмітрый Круты. Фота: Wikimedia Commons
Паводле слоў Дзмітрыя Крутога, старшыням райвыканкамаў будуць дадзеныя яшчэ больш шырокія паўнамоцтвы ў сферы кадраў.
«Старшыня райвыканкама будзе ўзгадняць кіраўнікоў тэрытарыяльных органаў усіх міністэрстваў і ведамстваў (акрамя КДБ), кіраўнікоў ключавых арганізацый раёна ўсіх формаў уласнасці па пераліку, які зацвердзіць сам выканкам», — заявіў Дзмітрый Круты.
Праўда, ён паабяцаў, што ў такіх пераліках не будзе дробных устаноў кшталту кіраўніцтва цырульні або невялікай аптэкі.
«Гэта пералік кампаній, арганізацый, якія ёсць у раёне і якія сапраўды ўплываюць з пункту гледжання бюджэтных даходаў, інвестыцыйнай актыўнасці і занятасці насельніцтва. Сапраўды ключавыя суб'екты будуць узгадняцца з кіраўніком райвыканкама», — растлумачыў Круты.
Паводле яго слоў, цяпер стаіць пытанне ўдзелу арганізацый прыватнага сектара ў мерапрыемствах па ўпарадкаванні гарадоў. Для арганізацый, якія будуць выдзяляць рэсурсы на тыя ці іншыя аб'екты ўпарадкавання, будуць зробленыя падатковыя паслабленні.
Чытайце таксама:
Фрыдман: Патэнцыйна Галоўчанка можа быць для Лукашэнкі пагрозай
Чалы расказаў, чаму ставіў на Крутога і ў чым памылка Лукашэнкі
Лукашэнка заявіў пра ўзмацненне паўнамоцтваў мясцовай улады ў дачыненні да прыватнага сектара