У Пскове асудзілі беларуса, які кухарыў на Вечным агні
Суд у Пскове прызнаў вінаватым грамадзяніна Беларусі ў апаганенні сімвалаў воінскай славы Расіі — п'яны мужчына гатаваў ежу на Вечным агні ў гістарычным цэнтры горада.
Мужчыну затрымалі ў 2024 годзе. Яго абвінавацілі ў тым, што п'яным ён «выкарыстаў крыніцу адкрытага полымя для прыгатавання ежы», піша ТАСС. Гэтым полымем быў Вечны агонь.
Беларуса прыгаварылі да 1 года 11 месяцаў пазбаўлення волі з адбываннем пакарання ў калоніі-пасяленні.