Пасля Мінска плануюць перавесці на артэзіянскую ваду і іншыя гарады
Пачнуць з абласных цэнтраў, затым праект распаўсюдзяць на буйныя населеныя пункты, піша «СБ. Беларусь сёння» са спасылкай на кіраўніка Адміністрацыі Дзмітрыя Крутога.
Цяпер ідзе праца над комплекснай праграмай па чыстай вадзе на наступную пяцігодку. Будуць мяняць інфраструктуру, рабіць новыя свідравіны і ставіць абсталяванне.
Мінск афіцыйна перавялі на артэзіянскую ваду 10 студзеня 2025 года.
Для гэтага ў тым ліку мадэрнізавалі помпы, правялі новыя ніткі магістральных, зборных і размеркавальных вадаводаў працягласцю больш за 114 км.