БЕЛ Ł РУС

Гісторыя арышту мазырскай блогеркі, якая некалькі гадоў хавалася ад сілавікоў, аказалася драматычнай

16.02.2025 / 17:48

Nashaniva.com

Хлопцу Паліны Зыль спатрэбілася медыцынская дапамога пасля арышту яго бацькі.

Паліна Зыль. Фота: Укантакце

Сілавікі арыштавалі мазырскую актывістку і блогерку Паліну Зыль. Як стала вядома «Нашай Ніве», дзяўчыне выставілі абвінавачванні ва ўдзеле ў пратэстах і датычнасці да «экстрэмісцкага фарміравання». Яна чакае суда ў СІЗА.

Разам з ёй быў арыштаваны яе хлопец Максім Шуканаў. Інфармацыі пра яго вызваленне не было, хутчэй за ўсё, ён таксама ў СІЗА.

@nashanivanews Гісторыя арышту мазырскай блогеркі, якая некалькі гадоў хавалася ад сілавікоў, аказалася драматычнай #Мозырь #мазыр #мозырьбеларусь #навіны #мова #белорусьновости ♬ Spooky, quiet, scary atmosphere piano songs - Skittlegirl Sound

Паліне 31 год. Яна родам з Ельска, вучылася ў Мазыры. У 2020-м дзяўчына падтрымала пратэсты, нават трапіла на суткі. Пасля Паліна адышла ў цень, але заставалася ў краіне.

Паліна Зыль. Фота: Укантакце

І Зыль, і Шуканаў трапілі ў вышук, але не хацелі выязджаць з Беларусі.

Некалькі гадоў яны паспяхова хаваліся, пазбягаючы кантактаў з беларускімі дзяржаўнымі органамі, аднак урэшце пары ўсё ж давялося звярнуцца да медыкаў.

Пасля таго, як быў арыштаваны бацька Максіма, работнік Мазырскага НПЗ Ігар Шуканаў, у хлопца ўзмацніліся праблемы са здароўем.

Чытайце таксама: Работніка Мазырскага НПЗ, якога жорстка затрымліваў мінскі ГУБАЗІК, судзяць па дзвюх крыміналках

Незразумела, ці Максіма і Паліну зафіксавалі камеры ў грамадскіх месцах, ці сілавікам трапіла інфармацыя пра іх зварот да медыкаў. У выніку пару затрымалі на вакзале ў Мінску.

Паліна Зыль. Фота: Укантакце

Чытайце таксама:

Настаўніцу беларускай мовы з Мінска з 20-гадовым стажам судзяць за абразу Лукашэнкі

За ўдзел у пратэстах судзяць 29-гадовую настаўніцу сталічнай гімназіі

Маладую выкладчыцу англійскай мовы судзяць за палітыку. Пагражае да 12 гадоў

Каментары да артыкула