Беларускія гараджане не хацелі б павелічэння русіфікацыі — незалежнае даследаванне
Беларускія сацыёлагі Філіп Біканаў і Канстанцін Несцяровіч зрабілі незалежнае даследаванне пра самаідэнтыфікацыю беларусаў «Беларуская ідэнтычнасць у 2024 годзе». Яго вынікі расказвае Reform.
Дадзеныя для даследавання збіраліся з дапамогай анлайн апытання сярод гарадскога насельніцтва Беларусі ва ўзросце 18— 64 гадоў.
У залежнасці ад стаўлення людзей да нацыянальнай свядомасці сацыёлагі выдзелілі пяць груп беларусаў: «свядомыя» (11%), «савецкія» (24%), «тыя, хто фармуецца» (25%), «абыякавыя» (32%) і «русіфікаваныя» (7%).
Толькі чатыры працэнты апытаных назвалі ўжыванне беларускай мовы ў сваім жыцці маркерам беларускай ідэнтычнасці. Пры гэтым 63% жыхароў Беларусі лічаць беларускую мовай роднай, але пастаянна карыстаюцца — толькі 11%.
Беларусаў не аб'ядноўвае і рэлігія, зазначаюць сацыёлагі. Тое, што аб’ядноўвае ўсіх беларусаў з розных сегментаў — гэта «Песняры», Купала і Колас, дранікі, «Камунарка», БелАЗ.
Скрыншот прэзентацыі даследавання. Фота: Reform
У спажыванні культурных прадуктаў расійскі ўплыў не стаў дамінуючым, у кіно і музыцы апытаныя часцей адзначалі заходні і беларускі кантэнт.
Далейшай русіфікацыі беларусы не хацелі б. Каля 45% лічаць, што зараз суаднясенне беларускай і рускай мовы з розных сферах жыцця — збалансавана. Ад 20 да 30% апытаных лічаць, што беларускай мовы павінна быць больш.
Скрыншот прэзентацыі даследавання. Фота: Reform
Скрыншот прэзентацыі даследавання. Фота: Reform