Дыпламаты прыйшлі да будынка суда, каб падтрымаць Ільяша
21.02.2025 / 15:23
Суд над журналістам пачаўся сёння, яму пагражае да шасці гадоў турмы.
Фота: Прадстаўніцтва ЕС у Беларусі
«Свабода слова павінна быць гарантаваная. Журналістыка — гэта не злачынства. Цяпер у Беларусі за кратамі 39 супрацоўнікаў медыя. Усе палітычныя зняволеныя павінны быць вызваленыя неадкладна і безумоўна», — напісала прадстаўніцтва ЕС у Беларусі.
Вядома, што да акцыі далучыліся прадстаўнікі дыпламатычных місій Аўстрыі, Чэхіі, ЕС, Фінляндыі, Бельгіі, Нідэрландаў, Швецыі, Славакіі, Вялікабрытаніі.
Нагадаем, Ігара Ільяша абвінавачваюць у «дыскрэдытацыі Беларусі» (арт. 369-1 КК) і «садзейнічанні экстрэмісцкай дзейнасці» (ч. 2 арт. 361-4 КК). Яго справу пачынаюць разглядаць у Мінскім гарадскім судзе. Працэс будзе весці суддзя Сяргей Кацар.