У Мінску з-за адсутнасці напружання быў спынены рух некаторых трамваяў і тралейбусаў
Здарэнне адбылося ў паўночнай частцы горада сёння раніцай, паведамляе Мінсктранс.
Ілюстрацыйнае фота
Гаворка ідзе аб трамвайных маршрутах №1, 5, 6, 11 у абодвух напрамках і тралейбусных маршрутах № 29, 37, 38, 46, 53, 61.
Напружанне адсутнічае на вуліцах Філімонава, Талбухіна, Кузьмы Чорнага, Мірашнічэнкі, Каліноўскага, Лагойскім тракце.
Адключылася таксама падача водазабеспячэння.
Пазней Мінскэнерга паведаміла, што ў 9:29, дзякуючы працы шасці аварыйных брыгад, працу электрасеткі наладзілі.