Былы палітвязень Ігар Банцар знаходзіцца ў варшаўскім СІЗА
Яго арыштавалі на тры месяцы, піша «Медыязона» і актывіст Васіль Пляшкуноў.
Ігар Банцар. Фота: Hrodna Life
Артыкул, па якім абвінавачваюць беларуса, невядомы. Па інфармацыі журналістаў, прычынай магла быць бойка.
Пляшкуноў піша, што асацыяцыя былых палітвязняў «Да волі» збірае Банцару грошы на адваката і перадачы. Сродкі можна перавесці на рахунак, які пазначаны ў пасце актывіста, ці наўпрост у ізалятар.
У 2020 годзе музыку Ігара Банцара асудзілі на 1,5 года хіміі па артыкуле аб хуліганстве (артыкул 339 КК) за перфоманс перад міліцэйскай машынай.
Чытайце таксама:
«Я забыўся пра свой пісталет». Ігара Банцара дапыталі па справе са зброяй