ЗША спыняюць фінансаванне тысяч праграм па барацьбе з поліяміелітам, ВІЧ-інфекцыяй, малярыяй і недаяданнем
Гэтыя праекты падтрымліваліся USAID.
ЗША спыняюць фінансаванне праграм па барацьбе з поліяміелітам, ВІЧ-інфекцыяй, малярыяй і недаяданнем па ўсім свеце, піша The New York Times.
Дзяржаўны дэпартамент ЗША разаслаў электронныя лісты лагерам бежанцаў, туберкулёзным клінікам, праектам па вакцынацыі ад поліяміеліту і тысячам іншых арганізацый, якія атрымлівалі ад Злучаных Штатаў фінансаванне для працы па выратаванні жыцця.
У лістах тлумачылася, што фінансаванне праграм спыняецца «для зручнасці і ў інтарэсах урада ЗША».
Размова пра фінансаванне прыкладна 5800 праектаў, якія падтрымліваліся USAID. Многія з іх былі скіраваны на Афрыку.