Вуліцы Калеснікава і Ратамскую ў Мінску злучыць пуцеправод
У Мінску плануюць пабудаваць пуцеправод паміж вуліцамі Калеснікава і Ратамскай, паведамляе тэлеграм-канал Мінгарвыканкама. Цяпер «Мінскінжпраект» вядзе перадпраектныя работы.
Вуліца Калеснікава ў Мінску. Фота: Яндэкс Карты
Нюансы праекта абмеркавалі ў Мінгарвыканкаме 3 сакавіка. Сярод іх — захаванне інтарэсаў жыхароў, работнікаў і наведвальнікаў гандлёвага дома «Ждановічы», будучае будаўніцтва з улікам размяшчэння ў зоне работ дзейнай чыгуначнай веткі, якую нельга спыняць.
Калі праект рэалізуюць, з мікрараёнаў Масюкоўшчына, Дамброўка і Каменная Горка аўтамабілі змогуць трапляць да гандлёвага дома» Ждановічы», на вуліцу Ціміразева і праспект Пераможцаў без круга праз МКАД.