У адным з расійскіх гарадоў цынкавыя труны і чорныя пакеты для мёртвых целаў выкідаюць проста на сметнік
У горадзе Волжскі пад Валгаградам выявілі звалку з цынкавымі трунамі для «грузу 200», а таксама чорныя мяшкі і скрыні для транспарціроўкі. У сацсетках напісалі, што гаворка ідзе пра прамзону пад горадам, піша The Moscow Times.
Фота: Типичный Волжский / Telegram
«Здаецца, гэта скандал. На пустку выкінулі труны. Мяркуючы па смецці, выкінула рытуальнае агенцтва, а чорныя пакеты як быццам з-пад трупаў, відавочна груз 200 выкінулі», — выказалі здагадку мясцовыя жыхары.
Крыніца аднаго з рэгіянальных выданняў пацвердзіла факт утварэння звалкі з «грузам 200», што прымяняецца пры дастаўцы для пахавання целаў загінулых удзельнікаў вайны ва Украіне. Паводле яе слоў, да інцыдэнту можа мець дачыненне адна з буйных рытуальных кампаній горада, «якія праводзяць пахавання загінулых на СВА на могілках Волжскага». Але не выключана, што гэта магла быць і нейкая «дробная фірма».
«Хутчэй за ўсё, спрабавалі ашчадзіць на выдатках на ўтылізацыю», — сказала яна.
На пустцы знайшлі чорныя спецпакеты для целаў, ускрытыя цынкавыя труны, абцягнутыя бардова-чырвоным аксамітам, а таксама драўляныя скрынкі, у якіх у такіх выпадках перавозяць целы, сказаў суразмоўца.
«Усё гэта адносіцца да адходаў асаблівага класа небяспекі і падлягае абавязковай утылізацыі ў спецыялізаванай арганізацыі — у гэтым выпадку ў смеццевага рэгіянальнага аператара», — адзначыў ён.
У адміністрацыі Волжскага паведамілі, што на месца прыбылі супрацоўнікі кантрольнага ўпраўлення.
«Усё пацвердзілася. Сапраўды, там цэлая звалка трунаў з чорнымі пакетамі. Нашы супрацоўнікі адразу выклікалі на месца здарэння паліцыю. Ідзе разбіральніцтва», — расказалі ў прэс-службе мэрыі.
Чытайце таксама:
Расследавальнікі далі новую ацэнку загінулых расійскіх вайскоўцаў на вайне ва Украіне
Вядомыя імёны 95 тысяч расіян, якія загінулі на вайне з Украінай
У Курскай вобласці загінуў першы афрыканскі наёмнік, які ваяваў на баку Расіі