Самую дарагую кватэру ў Мінску ў лютым прадалі за паўмільёна даляраў
Самая дарагая кватэра, прададзеная ў лютым 2025 года ў Мінску, абышлася пакупніку ў 493 тысячы даляраў. Кватэра знаходзіцца ў квартале «Дэпо», што каля Плошчы Перамогі.
Фота: kvartaldepo.by
Першыя дамы ў закрытым ЖК здалі ў канцы 2022 года, а ў лютым у адным з іх на вуліцы Кісялёва, 6Б набылі тую самую кватэру.
Дом шасціпавярховы, усяго на 21 кватэру. Вышыня столяў тут — больш за тры метры. Колькасць гардэробных і ванных пакояў у кожнай кватэры роўная колькасці спальняў. Пры гэтым плошча кватэр пачыналася ад 88 квадратных метраў, якія на старце продажаў у 2021 годзе каштавалі ад 311 тысяч даляраў, а кошт квадратнага метра вар’іраваўся ад 3500 да 4900 даляраў.
Тут у лютым набылі 4-пакаёвую кватэру на 5-м паверсе агульнай плошчай 120 квадратных метраў. Яна абышлася пакупніку ў 492 900 даляраў (ці 4090 даляраў за квадратны метр).