Зяленскі: Мы пагаджаемся, і калі пагодзяцца расіяне — у той момант цішыня запрацуе

Прэзідэнт Украіны Уладзімір Зяленскі ў сваім вячэрнім звароце пацвердзіў гатоўнасць Украіны да 30-дзённага спынення агню па ўсёй лініі фронту.

Уладзімір Зяленскі падчас звароту. Скрыншот з відэа

«Толькі што быў даклад нашай дэлегацыі аб сустрэчы з амерыканскай камандай у Саудаўскай Аравіі.

Нашай украінскай прапановай на гэтую сустрэчу з амерыканцамі было тры рэчы: гэта цішыня ў небе — ракеты, бомбы, дальнабойныя дроны, і цішыня на моры, і рэальныя меры ўстанаўлення даверу да ўсёй гэтай сітуацыі, у якой працягваецца дыпламатыя, перш за ўсё — гэта вызваленне палонных.

І сёння ў размове была прапанова амерыканскага боку зрабіць першы крок адразу далей і на 30 дзён паспрабаваць усталяваць поўнае спыненне агню, не толькі ў дачыненні да ракет, дронаў і бомбаў, не толькі ў Чорным моры, а таксама па ўсёй лініі фронту.

Украіна ўспрымае гэтую прапанову, мы лічым гэта пазітыўным, мы гатовыя зрабіць такі крок. ЗША павінны пераканаць Расію зрабіць гэта. Гэта значыць, мы пагаджаемся, і калі расіяне пагодзяцца — у той момант цішыня запрацуе», — заявіў прэзідэнт Украіны.

Каментары да артыкула