На гродзенскі брук нанеслі незвычайную зебру
Выданне «Гродзенская праўда» паведаміла, што ў Гродне на вуліцы Ажэшкі каля ўваходу ў парк Жылібера з'явілася светлавая зебра — пешаходны пераход. Ён будзе працаваць у тэставым рэжыме на працягу 45 дзён.
Светлавы пераход вырашылі размясціць менавіта на дарозе з бруку, таму што нанесці звычайную разметку на такой дарозе немагчыма. Да таго ж пераход, які свеціцца, больш прыкметны ў цемры, што зручна і для пешаходаў, і для кіроўцаў.
Калі навацыя зарэкамендуе сябе, то падобныя пераходы пачнуць размяшчаць па ўсім Гродне.