У Telegram прыходзяць махлярскія паведамленні пра «смерць знаёмых»
Нацыянальны цэнтр абароны персанальных даных папярэдзіў, што махляры рассылаюць людзям у тэлеграме інфармацыю пра нібыта смерць іхніх знаёмых. Да спачуванняў прымацоўваюць «фатаграфіі», у якіх якраз і ёсць сэнс гэтых дзеянняў.
На самай справе гэта ніякія не фатаграфіі, а шкоднасныя.apk-файлы з вірусам, гаворыцца ў паведамленні цэнтра персанальных дадзеных.
Гэты.apk (як і, напрыклад,.exe ў Windows) — фармат файла, які выкарыстоўваецца аперацыйнай сістэмай (у гэтым выпадку Android) для ўстаноўкі праграм.
«Калі вы запампуеце гэты файл, вірус пачне рассылаць такія ж паведамленні ўсім вашым кантактам», — пішацца ў паведамленні.
Чытайце таксама:
Беларусы сталі атрымліваць лісты ад махляроў з «нацыянальнай паліцыі па наркотыках»
У Беларусі новы спосаб махлярства — тэлефануюць нібыта з паліклінікі
Міліцыя праз смс заклікала беларусаў быць пільнымі з тэлефоннымі махлярамі