Адзіны пункт пропуску на мяжы Латвіі і Беларусі зноў адкрыты
Пункт пропуску «Грыгароўшчына» на беларуска-латвійскай мяжы зноў адкрыты, паведамляе беларускі Памежны камітэт. Латвійскі бок аднавіў афармленне транспарту ў абодвух напрамках у 22:40.
Беларуска-латвійская мяжа. Фота: Памежны камітэт
Грамадзяне, якія перасякаюць беларуска-латвійскую мяжу па гэтым маршруце, былі вымушаныя чакаць выезду ў Латвію каля 9 гадзін.
Цяпер у чарзе больш за 40 легкавых аўтамабіляў.
Пункт пропуску закрыўся ў нядзелю ў 14 гадзін. Прычынай маглі стаць уцекачы, якія спрабавалі праехаць у Латвію на роварах.