Тэлефонная размова Пуціна з Трампам стала самай працяглай за ўсю гісторыю двухбаковых адносін

CNN са спасылкай на расійскую дасведчаную крыніцу паведаміла, што размова Трампа і Пуціна прайшла «вельмі добра». Што ў гэта акрэсленне ўкладаецца — пакуль незразумела.

Размова паміж Дональдам Трампам і Уладзімірам Пуціным пачалася на гадзіну пазней за запланаваны час, паведамляе Sky News. Паводле звестак канала, Пуцін спецыяльна прымусіў Трампа чакаць са званком, без спешкі размаўляючы ў гэты час з расійскімі бізнэсменамі.

На мінулым тыдні пасланнік Трампа Стыў Уіткаф чакаў сустрэчы з Пуціным у Маскве каля 8 гадзін, таму што той меў зносіны з Лукашэнкам.

Увогуле ж размова Трампа і Пуціна стала самай працяглай у гісторыі тэлефонных размоў прэзідэнтаў ЗША і Расіі, паведамляе Reuters. Перамовы двух прэзідэнтаў працягваліся каля 2,5 гадзін.

Каментары да артыкула