Маршрутка для тых, хто курыць, ці самагонны апарат на колах? У Бабруйску заўважылі незвычайнае аўто
18.03.2025 / 22:28
Відэа апублікаваў адзін з бабруйскіх карыстальнікаў тыктока, заўважылі «Моцныя навіны». Па дарозе па каву аўтару відэа трапіўся бус з комінам, з якога ідзе дым. Аўтар роліка прапанаваў гледачам здагадацца што гэта такое, бо сам упершыню ўбачыў такую машыну.
Скрыншот з відэа
У каментарах сабралася нямала вясёлых меркаванняў:
«Дровы цяпер таннейшыя за дызельнае паліва»;
«Вебаста на цвёрдым паліве»;
«Кавамашына»;
«Лазня на колах»;
«Бус на вуголлі кшталту паравоза. Экіпаж — два чалавекі, кіроўца і качагар»;
«Вязуць прадукты, якія не павінны астыць»;
«Сала на абед вэндзяць».
Таксама ў каментарах знайшлася жанчына, якая сцвярджае, што гэта машына мужа яе сястры. А ўнутры — буржуйка, каб рабочым было цёпла ехаць.
Ролік набраў ужо амаль 170 тысяч праглядаў за суткі.
Чытайце таксама:
Беларуска стварыла інстаграм-рэаліці. Паспяхова ідзе ўжо пяты сезон
Беларускі фермер паказаў, як трымерам рыхтуе клубніцы да сезону — мільёны праглядаў
«Усе ногі ў іх». У Камянецкім раёне сутыкнуліся з атакай лясных насякомых