Ва Украіне да 15 гадоў прыгавораны работнік завода, абвінавачаны ў супрацоўніцтве з ФСБ
20.03.2025 / 15:43
Ён абыходзіў мясцовасць, схавана фатаграфаваў патэнцыйныя цэлі і адзначаў іх геалакацыі на Google Maps
Ва Украіне да 15 гадоў пазбаўлення волі прыгавораны работнік завода, абвінавачаны ў супрацоўніцтве з ФСБ.
«Як устанавіла расследаванне, злачынец карэктаваў паветраныя ўдары агрэсара па паўночным рэгіёне Украіны, у тым ліку з выкарыстаннем ракет тыпу Х-59», — гаворыцца ў паведамленні СБУ.
Спецслужба сцвярджае, што для выканання задання агент ФСБ, імя якога не называецца, абыходзіў мясцовасць, схавана фатаграфаваў патэнцыйныя цэлі і адзначаў іх геалакацыі на Google Maps, а затым перадаваў даныя расійскаму куратару.