«Ён сябраваў з цемнаскурым слугой». Бацька Ілана Маска запэўніў, што ягоны сын не расіст

Выданне The Washington Post запытала ў 79-гадовага Эрола Маска, бацькі вядомага прадпрымальніка Ілана Маска, чаму ягоны сын варожа ставіцца да ініцыятыў у сферы разнастайнасці, роўнасці шанцаў і інклюзіўнасці (DEI). Ці не звязана гэта з расісцкімі поглядамі?

Ілан Маск

Эрол Маск прыхільнасць да расізму з боку свайго сына выключыў, паколькі гэта нібыта не праяўлялася ў часы ягонага дзяцінства падчас апартэіду ў Паўднёва-Афрыканскай Рэспубліцы. Сыны Эрола тады, маўляў, увогуле не цікавіліся палітыкай:

«Яны не захапляліся палітычнымі глупствамі, і мы жылі ў вельмі добра кіраванай, законапаслухмянай краіне, дзе практычна не было злачыннасці. У нас было некалькі цёмнаскурых слуг, якія былі іх сябрамі», — сказаў Эрол Маск.

Каментары да артыкула