Каля храма ў Екацярынбургу паставілі копію трубы, па якой расійскія вайскоўцы трапілі ў Суджу
У двары храма на Крыві ў Екацярынбургу, пабудаванага на месцы расстрэлу царскай сям'і, усталявалі копію трубы, па якой расійскія вайскоўцы прайшлі ў Суджу, якая знаходзілася пад кантролем УСУ.
Каля храма ў Екацярынбургу паставілі копію трубы, па якой расійскія вайскоўцы трапілі ў Суджу. Фота: xramekb / Telegram
«Кавалак трубы працягласцю 16 метраў прывезены ў Храм на Крыві. Дыяметр устаноўленай трубы ў дакладнасці адпавядае дыяметру патоку, які забяспечыў нашым воінам гераічную перамогу. Гэты подзвіг не мае аналагаў у сусветнай гісторыі і з'яўляецца сведчаннем найвышэйшага духу і бяспрыкладнай вайсковай доблесці нашых байцоў», — заявілі ў храме.
Афіцыйнае адкрыццё трубы запланавана на 25 сакавіка.
Незалежныя эксперты сцвярджаюць, што гэтая вылазка расіян праз трубу не адыграла вызначальнай ролі ў вызваленні Суджы. А расійскія ваенкары пісалі аб правале штурму праз газаправод і разгром спецназу.