Зборная Даніі стала апошнім супернікам Беларусі ў адборы на ЧС-2026
Зборная Даніі стала апошнім супернікам зборнай Беларусі ў адборачнай групе на футбольны чэмпіянат свету 2026 года.
Матч Партугалія — Данія (у белым) учора ў Лісабоне завяршыўся перамогай Партугаліі 5:2. Фота: Armando Franca / AP
Лёсаванне групаў прайшло яшчэ ў снежні, тады Беларусь атрымала ў супернікі Шатландыю і Грэцыю, а трэці супернік меўся вызначыцца ў сакавіку па выніках 1/4 фіналу Лігі нацый Партугалія — Данія. У нашу групу адправілася б каманда, што прайграла ў супрацьстаянні.
У выніку гэтым супернікам стала Данія, што па выніках дзвюх гульнях саступіла Партугаліі (1:0, 2:5).
Адборачны турнір у нашай групе стартуе ў верасні. Расклад матчаў наступны:
5 верасня
Грэцыя — Беларусь
8 верасня
Беларусь — Шатландыя
9 кастрычніка
Беларусь — Данія
12 кастрычніка
Шатландыя — Беларусь
15 лістапада
Данія — Беларусь
18 лістапада
Беларусь — Грэцыя