Дзве жанчыны загінулі на пажары ў Навагрудскім раёне
Трагедыя здарылася ў вёсцы Гарадэчна 22 сакавіка.
Фота: МНС
У 21:56 у МНС паступіла паведамленне аб пажары ў жылым доме на вуліцы Дружбы.
Калі ратавальнікі прыбылі на месца, будынак ужо цалкам ахапіў агонь, дах абрынуўся. Падчас тушэння ўнутры былі знойдзены целы дзвюх жанчын: 51-гадовай гаспадыні дома і яе 39-гадовай госці.
Паводле папярэдняй версіі, прычынай пажару магла стаць неасцярожнасць пры курэнні.