У Саудаўскай Аравіі пачаліся перамовы ЗША і Расіі
Сустрэча дэлегацый Расіі і ЗША ў Саудаўскай Аравіі будзе закрытай. Журналістаў папрасілі пакінуць тэрыторыю гатэля.
Гатэль Ritz Carlton. Фота: Wikimedia Commons
Расійская і амерыканская дэлегацыі пачалі ў Эр-Рыядзе перамовы па ўрэгуляванні паміж Масквой і Кіевам. Сустрэча праходзіць у гатэлі Ritz-Carlton, журналістаў папрасілі пакінуць тэрыторыю гатэля.
Экспертныя кансультацыі прысвечаныя пытанням бяспекі суднаходства ў акваторыі Чорнага мора. Расію на перамовах прадстаўляюць старшыня камітэта Савета Федэрацыі па міжнародных справах, былы намеснік міністра замежных спраў Грыгорый Карасін, а таксама дарадца дырэктара ФСБ Сяргей Бяседа.
У складзе дэлегацыі ЗША, як раней пісала The Wall Street Journal, — дырэктар па палітычным планаванні Дзярждэпартамента Майкл Энтан, памочнікі спецыяльнага пасланніка прэзідэнта Кіта Келага і прадстаўнікі дарадцы па нацыянальнай бяспецы Майка Уолца.