У Таліне адкрылі Офіс дэмакратычных сіл Беларусі
Святлана Ціханоўская падчас візіту ў Талін узяла ўдзел ва ўрачыстым адкрыцці новага Офіса дэмакратычных сілаў Беларусі, кіраўніком якога будзе Віталь Малчанаў — прадстаўнік Святланы Ціханоўскай у Эстоніі і Латвіі, паведамляе тэлеграм-канал дэмакратычнай лідаркі Беларусі.
Фота: Офіс Святланы Ціханоўскай
Падчас мерапрыемства з прамовамі выступілі эстонскія і беларускія палітыкі. Таксама адбылася цырымонія ўзнагароджання Марка Коплімаа — спецыяльнага прадстаўніка Эстоніі па справах дэмакратычных сілаў Беларусі.
На адкрыцці прысутнічалі ўплывовыя палітыкі і дыпламаты, у тым ліку — міністр замежных справаў Эстоніі Урмас Рэйнсалу, старшыня Талінскай гарадской рады Тоомас Круусімягі, генеральны сакратар МЗС Эстоніі Ёнатан Всевіаў, спецпасланнік Эстоніі па Беларусі Марка Коплімаа ды інш.