Рада БНР узнагародзіла ордэнам і медалямі пяць чалавек
З нагоды гадавіны абвяшчэння незалежнасці Беларускай Народнай Рэспублікі старшыня Рады БНР Івонка Сурвілла падпісала дэкрэты аб узнагароджанні адзнакамі Рады БНР.
Фота: Рада БНР
За асабісты гераізм, выяўлены ў змаганьні з расейскімі агрэсарамі за волю народаў Украіны і Беларусі Ордэнам Жалезнага рыцара ўзнагароджаная добраахвотніца Марыя Зайцава (пасмяротна), што загінула ва Украіне.
Чатыры асобы ўзнагароджаныя медалём Ордэну Пагоні.
Ксёндз Вячаслаў Барок, які працуе для беларусаў у Варшаве, Таццяна Гацура-Яворская — стваральніца і кіраўніца рэабілітацыйнага Цэнтра «Ланка», журналіст Алег Груздзіловіч, грамадская дзяячка ў Чэхіі Крысціна Шыянок.