Сёння ўвечары прапануюць часова выключыць электрычнасць
Мінпрыроды заклікала жыхароў Беларусі паўдзельнічаць у міжнародным праекце «Гадзіна Зямлі». Для гэтага трэба ўвечары 29 сакавіка па магчымасці на гадзіну адмовіцца ад выкарыстання электрапрыбораў.
Фота: freepik.com
«Гадзіна Зямлі» кожны год праводзіцца ва ўсім свеце ў апошнюю суботу сакавіка. У гэты дзень у сотнях гарадоў свету на адну гадзіну выключаюць святло ў дамах і офісах, а таксама адключаюць рэкламу і падсвятленне гарадскіх будынкаў.
«Для ўдзелу ў акцыі дастаткова выключыць асвятленне і іншыя не першарадныя электрапрыборы на адну гадзіну — з 20:30 да 21:30 — у знак падтрымкі адказных адносін да прыроды», — заявілі ў Мінпрыроды.
Упершыню гэтая акцыя прайшла ў аўстралійскім Сіднэі 31 сакавіка 2007 года. Беларусь далучылася да яе ў 2009 годзе.
Чытайце таксама:
Чаму на Беларусі насамрэч няма 700-гадовых дубоў і як старажытная архітэктура дапамагае батанікам
Глабальнае пацяпленне спрыяе росту папуляцыі пацукоў у гарадах
У Мінску адразу ў некалькіх раёнах знікла электрычнасць
У Мінскэнерга расказалі, чаму ў мінскай Сцяпянцы былі перабоі з электрычнасцю