Вайскоўцы ЗША, што былі ў патанулай машыне ў Літве, загінулі
Генпракуратура Літвы расследуе іх гібель.
Месца выратавальных працаў. Фота з фэйсбука міністра абароны Літвы Давіле Шакалене
Пасля таго як у панядзелак на палігоне ў літоўскім Падброддзі з балота была вынятая патанулая гусенічная браніраваная рамонтна-эвакуацыйная машына (БРЭМ) ЗША, пракуратура пачала дасудовае расследаванне па факце гібелі вайскоўцаў, якія знаходзіліся на яе борце.
«Распачатае дасудовае расследаванне для высвятлення прычын смерці», — заявіла ў панядзелак у Сейме генеральны пракурор Літвы Ніда Грускене, паведамляе LRT.
Па яе словах, на месца здарэння выехаў пракурор, а расследаванне вядзе Генеральная пракуратура.
UPD. Пазней літоўскія ўлады паведамілі, што нежывымі знойдзеныя толькі трое вайскоўцаў. Што здарылася з чацвёртым — пакуль невядома.
Чытайце таксама:
Вайсковую машыну з амерыканскімі вайскоўцамі, што затанула на палігоне ў Літве, дасталі