Прызначаны новы кіраўнік Мінскай вобласці
Кіраўніком Мінскай вобласці стаў Аляксей Кушнарэнка, які займаў пасаду міністра энергетыкі.
Кушнарэнка нарадзіўся ў 1975 годзе ў Полацку.
У 1997 годзе скончыў Полацкі дзяржаўны ўніверсітэт, у 2007 годзе — Акадэмію кіравання пры Прэзідэнце Рэспублікі Беларусь.
У 1997-2003 гадах — майстар, старшы майстар, намеснік начальніка тэхнічнай інспекцыі вытворчага рэспубліканскага ўнітарнага прадпрыемства «Віцебскаблгаз».
У 2003-2007 гадах — дырэктар Сенненскага і Полацкага філіялаў «Віцебскаблгазу».
З 2007 па 2010 год працаваў на розных кіруючых пасадах таксама ў сістэме «Віцебскаблгазу».
З 2010 па 2019 год — генеральны дырэктар вытворчага рэспубліканскага ўнітарнага прадпрыемства «Магілёўаблгаз».
З 2019 — па жнівень 2024 года — генеральны дырэктар дзяржаўнага вытворчага аб'яднання па паліве і газіфікацыі «Белпалівагаз».
Са жніўня 2024 года — міністр энергетыкі.
Былы кіраўнік Міншчыны Аляксандр Турчын быў прызначаны ў сакавіку 2025 года прэм'ер-міністрам.
Міністрам энергетыкі жа прызначаны Дзяніс Мароз, які быў намеснікам міністра.