Яшчэ два беларусы, што ваявалі за Расію, трапілі ў палон УСУ
Відэа з украінскага палону, на якім два чалавекі прадстаўлены як беларусы, 31 сакавіка з'явілася ў тэлеграм-канале Supernova+.
На відэа — ляжаць мужчыны, у іх вочы залеплены скотчам. Адзін з іх расказаў, што ён з Віцебска і ваяваў за РФ за 200 тысяч расійскіх рублёў (каля 2300 долараў).
Іншы мужчына расказаў, што ўмовы ўтрымання добрыя — кажа, што паеў, памыўся, нехта яшчэ пажартаваў, што «маску для сну далі».