У Мінску з’явяцца «марудныя зоны» для самакатаў. Дзе менавіта?
Штучны інтэлект дапаможа рэгуляваць выкананне Правілаў дарожнага руху ў сталіцы. Пра гэта распавёў дырэктар адной з кікшэрынгавых кампаній Аляксандр Каляда, паведамляюць «Мінск-Навіны».
Фота: Мінск-навіны
Акрамя таго, штучны інтэлект будзе кантраляваць хуткасць сродкаў персанальнай мабільнасці (СПМ) у так званых «павольных зонах». У Мінску ўжо нельга разагнацца на арандаваным самакаце больш чым да 25 км/г — але гэта яшчэ не ўсё.
Цяпер з’явілася паняцце «марудных зон» — гэта пешаходныя вуліцы і месцы вялікага скаплення людзей. Тут хуткасць СПМ абмяжоўваецца 10—15 км/г, прычым абмежаванне ўводзіцца самімі прыладамі. Яны могуць не толькі запавольвацца, але і поўнасцю спыняцца.
У «павольныя зоны» сталіцы трапляе цэнтральная частка горада і першае транспартнае кальцо па вуліцах Мельнікайце, Сухой, Калектарнай, Свярдлова, Ульянаўскай, Багдановіча, Казлова, Старажоўскай і праспекце Незалежнасці. У спісе таксама раён Камароўскага рынку, паркі Перамогі, імя Грэкавай, Чалюскінцаў, тэрыторыі каля буйных гандлёвых цэнтраў і шэраг іншых пляцовак.
Акрамя таго, цяпер карыстальнік можа выбраць адзін з трох хуткасных рэжымаў: «эка» (не больш за 15 км/г), «драйв» (да 20 км/г), «спорт» (максімум 25 км/г), — патлумачыў эксперт.
Таксама дзейнічае праграма «Антытандэм» — яна аўтаматычна аналізуе і выяўляе парушэнні пры карыстанні самакатамі.