З калоніі вызваліўся сын быхаўскага пісьменніка-фантаста Сяргея Антонава

Пра вызваленне палітвязня Арцёма Антонава паведаміў праваабарончы рэсурс Mayday.team.

На выхадных хлопца бачылі на вуліцах горада. Ягоныя знаёмыя сцвярджаюць, што экс-палітвязня не пазнаць праз моцную худобу.

Арцём Антонаў быў затрыманы 26 снежня 2023 года ў Быхаве. У красавіку мінулага года суд Быхаўскага раёна прысудзіў яго да 1 года 6 месяцаў пазбаўлення волі ў калоніі агульнага рэжыму паводле часткі 1 артыкула 368 КК (абраза Лукашэнкі). Нібыта хлопец абразіў Лукашэнку ў міліцэйскай машыне па дарозе ў аддзяленне міліцыі.

Арцём Антонаў адбыў увесь тэрмін цалкам.

Бацька экс-палітвязня, аўтар кніг серыі «Метро 2033» Сяргей Антонаў трапіў пад рэпрэсіі сілавікоў за супрацоўніцтва з незалежнымі медыя і пакінуў Беларусь у пачатку снежня 2023 года пасля таго, як у яго дома быў праведзены ператрус, а сам ён быў дастаўлены на допыт у КДБ.

Каментары да артыкула