Студэнтам БДУ арганізавалі сустрэчу з расійскім «баронам смерці»
Расіянін Віктар Бут, якога ў ЗША прыгаварылі да 25 год пазбаўлення волі за змову аб продажы зброі леварадыкальнай калумбійскай групоўцы, правёў для студэнтаў лекцыю «Геапалітычныя выклікі і агульная гістарычная праўда».
Віктар Бут. Фота: СТВ
«Барона смерці», як яшчэ называюць Бута, вызвалілі з амерыканскай турмы, дзе ён правёў 15 гадоў, у снежні 2022 года — тады Расія абмяняла яго на баскетбалістку Брытні Грайнер, асуджаную за кантрабанду наркотыкаў.
Былы зняволены аднавіў свой бізнес па продажы зброі і ў 2023 годзе стаў дэпутатам Заканадаўчага сходу Ульянаўскай вобласці Расіі.
Цяпер ён сустрэўся са студэнтамі БДУ на факультэце геаграфіі і геаінфарматыкі. З імі ён паразмаўляў пра геапалітыку і «так званую дэмакратыю ў ЗША».
Студэнты і адміністрацыя БДУ на сустрэчы з Віктарам Бутам. Фота: БДУ