У Добрушскім раёне чалавек загінуў пасля сутыкнення з ласём
ДТЗ са смяротным вынікам адбылося сёння ў Добрушскім раёне на 5-м км дарогі М-10 «Мяжа Расійскай Федэрацыі — Гомель — Кобрын», паведамляе УУС Гомельскага аблвыканкама.
Паводле папярэдняй інфармацыі, каля 17:20 аўтамабіль Volkswagen сутыкнуўся з ласём, які раптам выбег на дарогу.
У выніку 22-гадовы кіроўца аўтамабіля загінуў на месцы здарэння. Лось таксама загінуў. Пасажыры 21, 23 і 24 гадоў шпіталізаваныя з рознымі траўмамі.