Наведвальнікаў «Славянскага базару» пусцяць у Беларусь без віз
Аляксандр Лукашэнка падпісаў распараджэнне аб тым, што наведвальнікі фестывалю «Славянскі базар у Віцебску», які традыцыйна праходзіць у ліпені, змогуць прыехаць у Беларусь без неабходнасці адтрымліваць візу.
Фота ілюстрацыйнае
«Для гасцей фестывалю з 71 дзяржавы ў перыяд з 4 па 20 ліпеня 2025 года ўстаноўлены бязвізавы парадак уезду ў Беларусь, часовага знаходжання і выезду з краіны.
Пропускам для бязвізавага перасячэння дзяржаўнай мяжы для замежных грамадзян будзе арыгінальны або электронны білет на мерапрыемствы фестывалю, якія праводзяцца ў Летнім амфітэатры альбо канцэртнай зале «Віцебск».
Па адным арыгінальным або электронным білеце дапускаецца аднаразовы ўезд у Беларусь аднаго замежнага грамадзяніна не пазней за дату правядзення названага ў білеце мерапрыемства», — паведаміла прэс-служба Лукашэнкі.
Чытайце таксама:
Вось гэтая дзяўчына выступіць на «Славянскім базары» ад Беларусі
Ігар Карнялюк расказаў, як абгарэў падчас канцэрту на «Славянскім базары»
Жыццёвыя драмы Аляксандра Саладухі: ад прафнепрыдатнага артыста да праўладнага мільянера