У ДТЗ у Гомельскай вобласці загінулі два чалавекі
Няшчасце здарылася ўчора ў 20:30 на 351-м кіламетры аўтадарогі М-8 «Мяжа РФ — Віцебск — Гомель — мяжа Украіны», паведамляе прэс-служба міліцыі.
Фота: МУС
34-гадовы кіроўца «Лады» здзейсніў спадарожнае сутыкненне з прычэпам трактара «Беларус». Ад удару легкавік выехаў на паласу сустрэчнага руху, дзе адбыўся новы ўдар — з грузавіком.
Кіроўца і 60-гадовы пасажыр легкавога аўто загінулі на месцы.