У адстаўку адправілі адыёзную наваполацкую суддзю Зінаіду Балаболаву — на яе рахунку некалькі дзясяткаў палітычных працэсаў
Інфармацыя пра яе адстаўку прысутнічае ва Указе Лукашэнкі №142 ад 7 красавіка, заўважыла «Віцебская вясна».
Паводле інфармацыі праваабаронцаў, на «рахунку» Балаболавай не менш за 268 разгледжаных адміністрацыйных справаў — у абсалютнай большасці з якіх яна прызначала суткі.
Адзначым, што рэальная лічба разгледжаных Балаболавай палітычных судовых справаў вышэй — у праваабаронцаў адсутнічаюць поўныя даныя пра рэпрэсіі.